Agano la kale na Agano jipya

-

 



Mungu alifanya Agano mara mbili,

• Agano la Kale; Agano hili ni Agano la siku ambayo Mungu aliagana na Musa.

• Agano Jipya; Agano hili ni la Damu ambalo Mungu alilifanya na Yesu.

Lakini Biblia inasema Utukufu wa mwisho utakuwa mkubwa kuliko ule wa kwanza.

Malango ya kuzimu yalikuwa na nguvu juu ya Agano la siku yaani Agano la Kale, Agano la Kwanza lilitembea katika laana lakini Agano la Pili lilitembea katika Nguvu ya Mungu hivyo malango ya kuzimu hayana nguvu ya kulishinda.

Agano la Kwanza mtu alikuwa akiwa na mapepo anapigwa mawe mpaka afe, lakini Agano Jipya mtu akiwa na pepo anaombewa na huyo pepo anatoka. Agano la Kwanza lilikuwa katika siku lakini Agano la Pili hakuna Agano juu ya siku bali tunakumbuka yale yaliyotokea (matukio), hii ina maana kuwa tulihama kutoka katika siku na kuwa katika tendo.

Baada ya kuhama kutoka katika siku na kuingia katika tendo, hii ndiyo lilikuwa ni kumhalalisha mtu kuwa bwana wa siku yake, tendo hilo lilimuondoa mtu kutoka katika kuadhimisha siku na kuifanya hiyo siku imuazimishe yeye.

Agano Jipya limemuondoa mtu kunako siku na kumpeleka kunako Majira yake yaani Yeye ndiye anayeamrisha Siku na siyo siku inamuamrisha mtu kuwa ale nini au avae nini bali mtu anaiamrisha.

Mazingira yasikuamrishe wewe bali wewe yaamrishe, hali ya hewa isikuambie leo hii utanikoma bali wewe ndiyo uihamrishe, mbu asikuambie kuwa leo nitakulaza bali wewe ndiyo unamuamrisha akae mbali na wewe. Kutoka 25:16 “akawaambia, Kwamba utaisikiza kwa bidii sauti ya BWANA, Mungu wako, na kuyafanya yaliyoelekea mbele zake, na kutega masikio usikie maagizo yake, na kuzishika amri zake, mimi sitatia juu yako maradhi yo yote niliyowatia Wamisri; kwa kuwa Mimi ndimi BWANA nikuponyaye.”

Agano Jipya limebadilisha siku yako na imekupa Mamlaka ya Kuiamrisha siku yako iendeje. Siku isikutengenezee wewe namna ya kuishi bali wewe ndiye unayepaswa kuitengenezea namna ya kufanya, lakini kwa nini siku inakuamrisha? Ni kwa sababu ya dhambi, dhambi ndiyo imekufikisha mahali pa siku kukuamrisha.

Unahangaika na maisha na kukopa hatimaye unaishia kuwa na madeni kila kona kwa sababu ya nini? Dhambi!, kwa sababu hiyo umeshindwa kuimiliki siku yako.

Ukiwa na uelewa Agano la Kale lilifanya nini na Agano Jipya lilifanya nini umeshinda, na kwa kupitia uelewa huo chochote unachokitaka katika Maisha yako kitatimia, hata ikifika mahali unasema kujenga nyumba unajenga siyo kwa sababu unapesa bali kwa sababu umetaka; yaani siyo siku yako inakuamrisha bali wewe ndiye unayeiamrisha

Agano la Kale lipo ili kukuonesha ni jinsi gani wewe ni mwenye dhambi, lakini Agano Jipya lipo ili kukuonesha ni jinsi gani wewe ni wa thamani machoni pa Mungu.

Dhambi ni nini? Warumi 1:28 “Na kama walivyokataa kuwa na Mungu katika fahamu zao, Mungu aliwaacha wafuate akili zao zisizofaa, wayafanye yasiyowapasa.” Dhambi ni kutokuwa na Ufahamu wa Mungu katika ufahamu wako; kulewa, kuzini, umaskini, kuacha au kuachwa kwenda kwa waganga, n.k, haya ni matokeo ya kutokuwa na uwelewa wa Mungu katika ufahamu wako.

Chochote unacho kihitaji kipo huku duniani; Mungu alituumba kwa sura yake na mfano wake lakini hivyo vyote viliondoka kwa mwanadamu baada ya dhambi na vimerudi kwetu baada ya kumwagika damu ya Yesu. Kila mmoja anayetambua nafasi ya Yesu au aliye na Ufahamu wa Yesu katika akili yake anarudishiwa hiyo nafasi ya kuwa kama Mungu.

Ndani ya ufahamu wa mtu alipewa mambo matatu makubwa na hayo ndiyo ibilisi aliyachukua na kwa hayo yalimfanya Yesu kuja duniani na akafa kwa ajili ya hayo.

1. Uzalishaji; Mwanzo 1:28 “Mungu akawabarikia, Mungu akawaambia, Zaeni, mkaongezeke, mkaijaze nchi, na kuitiisha; mkatawale samaki wa baharini, na ndege wa angani, na kila kiumbe chenye uhai kiendacho juu ya nchi.” Ndani ya kila mmoja wetu aliumbiwa uzalishaji, kwa nini hauwezi kuzalisha leo hii? Kwa sababu uliharibiwa na dhambi ili kuirejesha hiyo inahitaji damu ya Yesu ili ikusafishe na dhambi. Haya yakisha tokea ndipo sasa wewe unaweza kuiamrisha siku yako.

2. Umiliki; Vitu vyote Mungu aliviumba lakini Yeye alitukabidhi sisi wanadamu ili tupate kuvimiliki, kama wewe umeolewa inamaana kuwa wewe ni mtawala wa mumeo, ukiona mume wako amechukuliwa na mwanamke mwingine ujue wewe mke umeshindwa kumiliki hivyo usimlaumu Mungu bali kaa kwenye nafasi yako, kazi ya kumbusu mume wako ni ya kwako sio ya Mungu ukishindwa kufanya hivyo akichukuliwa usimlaumu Mungu. Vile vile kazi ya kumtunza mke na kumfanya apendeze ni ya mwanaume, ukishindwa kumfanya mke wako apendeze wewe sio kichwa.

Maoni

Chapisha Maoni

Machapisho maarufu kutoka blogu hii

JINSI YA KUMSHINDA SHETANI

-
 JINSI YA KUMSHINDA SHETANI. sehem ya 1. Bwana Yesu asifiwe  wapendwa.   Bwana YESU amenipa wakati mzuri Mimi Jacob Wa kunieleza Na kunifunza  jinsi Na namna ya kupigana vita vya kiroho. Na ameniahidia kua kila asomaye Na atakaye nisikiliza kwanjia yoyote ile atakombolewa.  Jifunze kupigana vita vya kiroho kwa upana Mkubwa zaidi. Katika makala zangu utajifunza kushindana Na kushinda. Huwezi kushinda vita yoyote kama huna ujuzi wala mbinu za kupigana Na adui. Pia lazimaujue mbinu za adui unaye pigana naye, aina ya silaha anazo tumia, nguvu ya jeshi lake Na niwakati gani adui huwa anashambulia.  Nijambo la ajabu sana watakatifu Wa Mungu wao humchukulia shetani kama kitu cha kupuuza tena kinyonge Na kisichokua Na uwezo wala maarifa. NISAWA LAKINI NIHATARI SANA KWA UPANDE MWINGINE.  Mtu Wa Mungu elewa kwanza unapigana Na shetani ambaye Alisha hukumiwa. Hana nafasi tena ya kutubu. Tena unapigana Na shetani ambaye amepewa ulimwengu huu, anaitwa mkuu Wa Giza ...
soma zaidi

NGUVU YA DAMU YA YESU

-
  NGUVU YA DAMU : Damu ya Yesu ndiyo inayomfanya mwamini awe mtakatifu wa Mungu, hauwi mtakatifu pasipo Damu ya Yesu kukusafisha. Unahitaji damu ya Yesu kukusafisha ili uwe mtakatifu wa Mungu. Haki huja kupitia Neno lakini utakatifu huja kwa kupitia damu. Katika damu ndipo ukombozi ulipo,  huwezi kutoka kwenye dhambi na uovu ambao unaokufanya usiwe mtakatifu pasipo Damu ya Yesu, ni kwa Damu pekee ndiyo itakufanya uwe mtakatifu wa Mungu na huo utakatifu ndio unamfanya Mungu avutiwe na wewe. Utakatifu wako ndio utakao mvutia Mungu lakini ili uupate ni lazima uipate Damu ya Yesu na hapo ndipo ukombozi ulipo. Nguvu inayo fukuza dhambi zote maradhi na magonjwa ni damu ya Yesu, kupitia Damu tunao ukombozi wetu, wokovu, utakatifu, tunakuwa washiriki wa mambo ya mbinguni. Ufunuo 12:11 “ Nao wakamshinda kwa damu ya Mwana-Kondoo, na kwa neno la ushuhuda wao; ambao hawakupenda maisha yao hata kufa .” tunamshinda adui, maradhi na magonjwa kwa Damu ya Yesu, imo nguvu ndani ya hiyo Damu...
soma zaidi

VIPAJI VYA ROHO MTAKATIFU

-
  Katika   Ukristo   vipaji vya Roho Mtakatifu   ni misimamo tunayotiwa na   Roho Mtakatifu   wa kuangaza, kuimarisha na kuzoesha   akili   na   utashi   wetu ili kushirikiana naye katika mambo ya utumishi wa   Mungu . Kusudi tujue kweli  muundo wa Kiroho  unaotuwezesha kuishi kama  wana wa Mungu , haitoshi tuyajue ma adili . Ni lazima tuzingatie pia vipaji vya Roho Mtakatifu, pasipo kusahau namna mbalimbali za kupata msaada wa  Mungu . Vilevile, haitoshi tuwe na maadili yote  ya Kimungu  na  ya kiutu , tunahitaji pia tumiminiwe vipaji vya Roho Mtakatifu ili atuongoze nyuma ya  Yesu  hadi kwa  Baba . “Ikiwa Roho wa Mungu anakaa ndani yenu, ninyi hamwufuati mwili; bali mwaifuata roho. Lakini mtu awaye yote asipokuwa na Roho wa Kristo, huyo si wake… Wote wanaoongozwa na Roho wa Mungu, hao ndio wana wa Mungu” ( Rom  8:9,14). Orodha ya vipaji hivyo hariri Vipaji vya Roho Mtakatifu n...
soma zaidi